জীৱন পৰিক্ৰমা
সময়ে ক'লে মোৰ জীৱনৰ জীৰ্ণতাৰ কথা
আৰু ক'লে এৰি অহা সময়ৰ জীৱন গাঁথা।
উমালতাৰে পাৰি দিছিলো জীৱন- যৌৱন
কল্পনাৰ মায়াডোলেৰে ভৰিছিল সাংসাৰিক বন্ধন।
মোৰ কতৃত্বৰ পৰিধিৰে ভাবিছিলো সাংসাৰিক বেথা
সময়ে ক'লে মোৰ জীৱনৰ জীৰ্ণতাৰ কথা।
এতিয়া জীৱন ৰথৰ মুণিচুনি বেলা
আপোন সৃষ্ট পৰিয়ালে কৰে দুঘোৰ্ৰ অৱহেলা।
মোৰ কতৃত্বৰ সংসাৰত এতিয়া মাথো পৰিচিত কায়া
অস্তমিত সূৰুযৰ লুকাভাকু ছায়া।
কতৃত্ব, দায়িত্ব সকলোতে আজি
কাৰো নাই গুৰুত্ব মই যে আবেলিৰ বেলি।
এয়ে সত্য জীৱন পৰিক্ৰমাৰ
জীৱন চক্ৰ ঘূৰে দুনিবাৰ ।
No comments:
Post a Comment